Hungara prezidento demisiis post akuzoj pri plagiato
Published on Published on Tue 03 Apr, 2012 at 07:43 at 07:43 by . | 517 views | TrackbackHieraŭ matene, la 2-an de aprilo, post polemika semajno la prezidento de Hungario, Pal Ŝmit [Шмитт, Пал], demisiis. Antaŭ la parlamentanoj, Pal Ŝmit deklaris: “Laŭ nia konstitucio la prezidento devas reprezenti la tutan hungaran nacion; bedaŭrinde mi fariĝis nun sinonimo de disiĝo, pro tio, mi sentas min devigata forlasi mian postenon”.
La ĉefa kaŭzo de lia demisio estas freŝdataj akuzoj pri plagiato, kiujn li ricevis. Verŝajne la plagiato okazis dum lia doktoriĝo en la budapeŝta universitato, kiam li prezentis tezon pri historio de la olimpiaj ludoj. Antaŭ unu semajno la supera de la universitato decidis nuligi lian doktoriĝon, post eksploro pri plagiato. La eksprezidento, dum sesio, deklaris al la parlamentanoj, ke li prezentis "honorindan laboron" kaj neis la rajto de la universitato nuligi lian doktoriĝon.
Januare loka ĵurnalo publikigis pecojn de la disertacio de la prezidento, kies 180 de la 215 paĝoj estas verŝajne traduko de antaŭe publikigitaj tekstoj de bulgara specialisto. Dum pluraj tagoj okazis manifestacioj por postuli la demisiion de la prezidento. Komence Pal Ŝmit rezignis reagi al tiuj plendoj, tamen post daŭra premo li decidis aŭdi tiujn petojn.