Lundon, la 19-an de marto, en Francio, kvar personoj estis mortigitaj inklude tri infanoj dum atenco. La krimoj okazis en juda lernejo en la urbo Tuluzo. La alia viktimo estis instruisto de la hebrea lingvo, 30-jaraĝa, kaj patro de du infanoj, kiuj ankaŭ estis mortigitaj. Iu 17-jaraĝa junulo estis vundita dum la atenco kaj restas enhospitaligita.

Laŭ informoj de la lokaj aŭtoritatoj, la kugloj de iu armilo, uzita de la murdisto, estas la samaj uzitaj por mortigi armeanon la 11-an de marto, ankaŭ en Tuluzo, krom aliaj du en Montaŭbano, la 15-an de marto.

Ĝis nun la murdinto ne estis indentigita. Ĉeestantoj asertis al la aŭtoritatoj, ke la murdisto alvenis per motorciklo ĉirkaŭ la 8-a matene kaj ekpafis per du armiloj. Li persekutis la infanojn, kiuj estis ĉe la pordoj de la lernejo, ene de la lernejo.

La prezidento, Nikolao Sarkozi [Nicolas Sarkozy] diris, ke unu el la murditaj soldatoj estas karibdevenanto kaj la alia islamano. “Ni restas forte tuŝitaj pro ambaŭ krimoj” deklaris la prezidento. Israelo asertis sian bedaŭron por la atenco kaj funebras por la familianoj de la viktimoj, sed asertis kredi en la kapablo de la francaj aŭtoritatoj.

de Nunonia-redakcio, laŭ Elizabet Neli Masemi Mbembi

Jaŭdon, 15-an de Marto, italaj advokatoj manifestaciis surstrate apud la juĝejoj de Romo, la ĉefurbo de Italio, surhavante siajn togojn, por protesti kontraŭ la reformoj enkondukataj de la registaro de Mario Monto kaj rilatas al ilia profesio.

Ĉefe, ili kontraŭas la nuligon de la tarifoj, ĝis nun laŭleĝe determinitaj, la devigon de antaŭdiri al klientoj la koston de procesoj, la eblecon establi societon kun anoj, kiuj ne estas advokatoj kaj la devigita klopodo pacigi kverelojn ("mediazione civile" en la itala) antaŭ ol komenci procesojn. Ili timas, ke la nuligo de la tarifoj laŭleĝe senvalorigos ilian profesion je la sama nivelo de iu ajn komercisto kaj ke la leĝaj servoj iĝos de malbona kvalito pro la konkurenco, kiu estigos servojn leĝajn tro malmultekostajn.

Cetere, ili deklaras, ke ne eblas antaŭdiri al klientoj kiom kostos la procesoj, ĉar oni ne povas antaŭvidi tion, kio okazos dum juĝado kaj kian laboron la advokato realigos. La permeso establi societon kun neadvokataj anoj, laŭ ili, transformos advokatojn en dungitaj de riĉuloj, kiuj nur celas "akiri monon". Finfine, la devigita klopodo pacigi kverelon antaŭ ol komenci proceson estus, laŭ ili, nur perdo de tempo kaj de mono por iliaj klientoj. La itala registaro opinias, ke ĉi tiuj reformoj malaltigos kostojn de leĝaj servoj, stimulante ekonomion.

Raporto de Nunonia pri la manifestacio okazita en Romo, laŭ raporto de la itala kunlaboranto Aleksandro de Filipo [Alessandro De Filippis]

Sabaton, la 17-an de marto, forpasis la papo de la kopta eklezio, Ŝenudo la 3-a, estro kaj religia gvidando de la ortodoksaj katolikoj estis tiam 88-jaraĝa kaj jam de longe suferis pro kronikaj malsanoj.

Li estris la egipaj katolikoj, kiuj nombras 10 milionojn, dum pluraj malfacilaj periodoj. Je la jaro 1971 li estis elektita la patriarkon de Aleksandrio kaj la 117-a papon de la katolika eklezio de Sankta Marko, titolo per kiu estas konata la maksima aŭtoritato de la egiptaj katolikoj.

Dum lia pontifikado, la papo Ŝenudo la 3-a, nomis la unuaj episkopoj en Usono, Aŭstralio kaj Sudameriko. Ankaŭ ade laboris por pli bonaj rilatoj inter la katolikaj eklezioj.

futbalo

usono