Posts tagged as "KEVA"
Konga Esperanto Virina Asocio okazigos seminarion
0 Comments | Published on Mon 19 Mar, 2012 at 15:18 byKEVA, la Konga Esperanta Virina Asocio, promocias Esperanton kaj subtenas la virinajn agadojn en la lando. La asocio estis fondita la 30an de septembro 2010 en kinŝaso, ĉefurbo de la Demokratia Respubliko de Kongo, ĝia devizo estas Alvoko al la mondpaco. Viroj, virinoj kaj geinfanoj partoprenas en ĝia agado precipe por lerni Esperanton; sed Keva havas multajn aliajn prizorgindajn celojn; inter ili la subteni vidvinojn kaj georfojn. KEVA ĝis nun supervivas nur danke al siaj membrokotizoj, kiuj ne sufiĉas, spite de la bona vola de kelkaj honoraj membroj, kiuj ĝin subtenas laŭeble. Homoj kiuj volas membriĝi al KEVA volonte partoprenas en ĝia agado, kiel volontuloj kaj por helpi ĝiajn homasistajn celojn lernas Esperanton.
La asocio funkcias provizore, danke al iu bonvolontulo, kiu akceptis la funkciadon de KEVA ĉe lia domo - adreso: 7a strato N°6/202 verda civito, selembao municipo en Kinŝaso. La KEVA-anoj kursas ĉiudimanĉe en la lernejo de sankta Ignace: ekde la 14a ĝis la 16a posttagmeze. Ekde la fondo de tia asocio, la volontuloj jam okazigis multajn prelegojn kaj ekskursojn, krom ĝiaj kunvenoj, kiuj okazas du foje monate. Nuntempe la asocio planas okazigi seminarion okazontan en julio 2012, kiu temos pri formadon kaj ekzamenon.
Esperantistoj povas helpi KEVA precipe per financado, kio solvos aliajn problemojn, anakaŭ donacante vestaĵojn aŭ manĝaĵojn por ĝiaj vidvinoj kaj georfoj, librojn, skribilojn, flagon de esperanto, kaj aliajn lernilojn. KEVA ankaŭ ĝisvolvas agrikulturan projekton; kio helpos ĝin rilate al la memfinancado de sia agado, do agrikulturaj instrumentoj ankaŭ estas necesaj.
KEVA kontakteblas per la retaddreso: kevakongaesperantavirinaasocio@yahoo.fr aŭ nelly_masemi@yahoo.fr - retaderso de ĝia presidentino. La grupo havas, konto ĉe UEA : emmb-s.
de Nunonia-redakcio, laŭ Elizabet Neli Masemi Mbembi
Posted in:
Esperanto